اسلام آباد(مانیٹرنگ ڈیسک)معاذ اللہ ، مسلمانوں کےقبلہ خانہ کعبہ کے غلاف کے قریب آگ لگانے کی کوشش کرنے والے شخص کو گرفتار کر لیا گیا ہے۔ سعودی میڈیا کے مطابق شہری غازی درویش نے طواف کے دوران یمنی کائونٹر کے قریب ایک شخص کو اپنے اور غلاف کعبہ پر پٹرول چھڑکتے دیکھا جس پر اس نے آگ لگانے کی کوشش کرتے شخص کو دبوچ لیا
اور پاس موجود سکیورٹی فورسز کو بُلایا جنہوں نے مذکورہ شخص کو گرفتار کر کے تفتیش کے لیے بیورو آفس منتقل کر دیا۔ دوسری جانب سوشل میڈیا پر آمدہ اطلاعات کے مطابق گرفتار کیے گئے شخص نے خود کو خانہ کعبہ کے سامنے آگ لگانے کی کوشش کی۔سوشل میڈیا سائٹس فیس بُک اور ٹویٹر پر اس شخص کی ویڈیوز بھی وائرل ہو گئی ہے ۔البتہ تاحال اس معاملے سے متعلق وثوق سے کچھ بھی نہیں کہا جا سکتا۔سعودی فورسز نے ملزم سے تفتیش کاآغاز کر دیا گیا ہے۔خبر نشر ہوتے ہی مسلم دنیا میں مسلمان نہایت غم و غصہ کی کیفیت میں مبتلا ہیں اور اپنے غصے اور غم کا اظہار کرتے ہوئے مطالبہ کر رہے ہیں کہ فوری طور پر حقائق سامنے لاتے ہوئے ملعون شخص کو سزا دی جائے۔
