اسلام آباد(آن لائن)عوامی مسلم لیگ کے سربراہ شیخ رشید نے کہا ہے کہ 15 سے 20دنوں میں سپریم کورٹ پانامہ کیس میں انصاف پر مبنی تاریخی فیصلہ دے گی کیونکہ شریف فیملی اپنے بیانات بدل رہی ہے مگر جھوٹ انکے گلے پڑیگا، سنا ہے کہ کوئی نیا قطری خط آنیوالا ہے ۔سپریم کورٹ کے باہر میڈیاسے گفتگو کرتے ہوئے شیخ رشید احمد نے کہا
کہ شریف فیملی بیانات بدل رہی ہے ،امید ہے کہ 15سے 20دنوں میں عدالت سے فیصلہ آجائے گا ، سپریم کورٹ انصاف پر مبنی تاریخی فیصلہ دی گی ۔انہوں نے کہا کہ کیس میں سوالات اٹھتے ہیں تو وکلاجواب تیار کر لیتے ہیں ۔ اخبارات سے پتہ چلا کہ کوئی نیاخط آرہا ہے۔انہوں نے کہاکہ ایک جھوٹ کو چھپانے کے لئے کئی جھوٹ بولے جارہے ہیں یہ لوگ جو مرضی کرلیں ان کا جھوٹ انہی کے گلے میں پڑے گا ۔
