اسلام آباد (آئی این پی) وزیرمملکت اطلاعات مریم اورنگزیب نے کہا ہے کہ وزیراعظم نواز شریف کا پانامہ لیکس سے کوئی تعلق نہیں‘ اخباری تراشوں اور کاغذ لہرانے والے 2018 میں بھی نواز شریف اور مریم نواز کا مقابلہ نہیں کرسکتے‘ قومی اسمبلی کا پلان عمران خان نے خود بلایا آج پھر ایک شخص کی گفتگو سنی اور ان کی ذہنی حالت پر افسوس ہوا۔ سپریم کورٹ کے باہر میڈیا سے

گفتگو کرتے ہوئے وزیر مملکت اطلاعات مریم اورنگ زیب نے کہا کہ وزیراعظم میاں نواز شریف کا پانام لیکس سے کوئی تعلق نہیں ہے۔ اسحاق ڈار ملک کو اقتصادی قوت بنانے کے لئے دن رات کام کررہے ہیں اور اب عمران خان اسحاق ڈار سے بھی خوفزدہ ہیں۔ انہوں نے کہا کہ عمران خان نے کل پارلیمنٹ کے اندر پارلیمنٹرین پر حملہ کیا کاغذ لہرا کر کہا جاتا ہے کہ یہ ثبوت ہیں۔ یہ لوگ 2018 میں بھی نواز شریف کا مقابلہ نہیں کرسکتے۔ اسحاق ڈار ایسے کئی سوالات کے جوابات دے چکے ہیں۔ وزیراعظم خود یہ مقدمہ عدالت لے کر آئے ہیں وہ مقدمات جو ختم ہوچکے ہیں وہ یہاں لارہے ہیں۔ مریم اورنگزیب نے کہا کہ آج پھر ایک شخص کی گفتگو سنی اور ان کی ذہنی حالت پر افسوس ہوا ہے۔ کل قومی اسمبلی میں انتشار کا پلان عمران خان کی جانب سے تیار کیا گیا۔ شاہد خاقان عباسی کے ساتھ جو کچھ ہوا اس کی ویڈیو موجود ہے۔ عمران خان یہ سب اس لئے کررہے ہیں کیونکہ وہ اپنے آپ کو ہارتا دیکھ رہے ہیں اور میں یقین سے کہہ سکتی ہوں کہ وہ سپریم کورٹ سے بھاگنے کی تیاری کررہے ہیں۔