راولپنڈی (مانیٹرنگ ڈیسک) میجرجنرل آصف غفور نے ڈی جی آئی ایس پی آر کا عہدہ سنبھال لیا۔نئے ڈی جی آئی ایس پی آر میجرجنرل آصف غفور نے اپنے پہلے ٹوئٹ میں سابق ڈی جی آئی ایس پی آرکی خدمات کوسراہا اور کہا کہ پاک فوج زندہ باد،پاکستان پائندہ باد ۔جبکہ اس سے قبل سابق ڈی جی آئی ایس پی آر عاصم باجوہ نے نئے ڈی جی آئی ایس پی آر کیلئے نیک خواہشات کااظہار کیا ساتھ ہی انہوں نے کہا کہ چار سال7ماہ تک ڈی جی آئی اسی پی آر رہنے پرفخر ہے۔

لیفٹیننٹ جنرل عاصم سلیم باجوہ نے سماجی رابطے کی ویب سائیٹ ٹوئیٹرپراپنے ایک پیغا م میں کہاکہ دہشت گردی کیخلاف جنگ میں پاک فوج کانمائندہ بننے پر فخرہے،ہم ایک بہترین قوم ہیں،جس کی افواج ناقابل تسخیرہیں۔لیفٹیننٹ جنرل عاصم سلیم باجوہ نےتمام عرصے کے دوران میڈیا کی مکمل حمایت پر شکریہ ادا کیا اور کہا کہ پوری دنیاپاک فوج کی مہارت تسلیم کوکرتی ہے۔