اسلام آباد (مانیٹرنگ ڈیسک ) پاکستان پیپلز پارٹی کے سابق رہنما ڈاکٹر ذوالفقار مرزا نے انور مجید سے متعلق نجی ٹی وی چینل پر انکشاف کیا ہے کہ آصف علی زارداری کا کوئی بھائی نہیں ہےاور انور مجیدان کے قریب تر سمجھے جاتے ہیں ، تفصیلات کے مطابق پیپلز پارٹی کے سابق رہنما ذوالفقار مرزا نے نجی پروگرام میں گفتگو کرتے ہوئے کہا ہے کہ آصف علی زارداری پارٹی کو تباہی کی طرف لے جارہے ہیں ۔ وہ پارٹی معاملا ت سے بالکل بھی لاعلم ہیں ، ان کا کہنا تھا کہ میں تمام میڈیا کو دعوت دیتا ہوں وہ آئیں میرے ساتھ بیٹھیں میں انہیں بتانے کیلئے تیار ہوں کے انور مجید کون ہے،کہاں سے آیا اوروہ کیسے نیچے سے اوپر آیا ؟ ذوالفقار مرزا کا کہنا تھا کہ آصف علی زارداری کا کوئی بھائی نہیں ہےاور انور مجید کو زرداری کےبے حد قریب ترین سمجھا جاتا ہے ۔
جبکہ دوسری جانب سابق صدر اور پی پی پی کے شریک چیئر مین آصف علی زرداری کی واپسی کے بعد کراچی میں سیاسی سرگرمیوں میں تیزی آگئی۔ ایک رپورٹ کے مطابق پیپلز پارٹی کی قیادت کراچی میں سر جوڑ کر بیٹھ گئی۔آصف زرداری نے اہم رفقا کا اجلاس طلب کرلیا۔پیپلز پارٹی کے شریک چیئرمین نے انور مجید کے دفاتر پر چھاپوں پر اظہار تشویش اور سندھ حکومت کے معاملات خود مانیٹر کرنے کا اشارہ دے دیا۔
آصف علی زرداری نے ڈیڑھ برس بعد وطن واپس آنے کے فوری طور پر کراچی کو اپنی سیاسی سرگرمیوں کا مرکز بنانے کا فیصلہ کیا ہے۔پی پی کی قیادت نے سندھ میں گورننس کے معاملات ، کراچی میں جاری ٹارگیٹڈآپریشن اور خاص کر آصف زرداری کے قریبی ساتھی انور مجید کے دفاتر پر رینجرز کے چھاپوں کے بعد کی صورتحال کا جائزہ لینا شروع کر دیا ہے۔