اسلام آباد (مانیٹرنگ ڈیسک) نجی ٹی وی چینل میں معروف صحافی نجم سیٹھی نے بات کرتے ہوئے کہا ہے کہ وزیر اعظم پاکستان میاں نواز شریف سمجھ رہے تھے کہ آئی ایس آئی ان کا ساتھ دے گی تاہم ان کی امیدوں کے مطابق ایسا کچھ بھی نہیں ہوا ۔ تفصیلات کے مطابق نجی ٹی وی چینل پر دھرنوں سے متعلق گفتگو کرتے ہوئے نجم سیٹھی کا کہنا تھا کہ وزیر اعظم یہ سمجھتے رہے کہ پاکستان کی خفیہ ایجنسی آئی ایس آئی ان کا ساتھ دے گی۔ انہوں نے کہا کہ وزیر اعظم کے پاس کچھ رپورٹس تھیں جن کے متعلق کچھ بھی بتا نا دشوار ہوگا لیکن ان رپورٹس کی وجہ سے وزیر اعظم کو یوں محسوس ہوتا تھا کہ شاید آئی ایس آئی ان کو تحفظ دے گی ۔
انہوں نے کہا کہ گو کہ ٓٓئی ایس آئی نے انہیں تحفظ نہیں دیا تاہم انہیں نقصان بھی نہیں پہنچایا ۔ نجم سیٹھی نے بتایا کہ وزیر اعظم کو علم ہوا تھا کہ آئی ایس آئی کی تیار کردہ رپورٹ وزیر اعظم کے حق میں نہیں ہے۔ انہوں نے کہا کہ بظاہر محسوس ہوتا ہے کہ اس اُلجھن سے بچنے کے لیے ڈی جی آئی ایس آئی کو تبدیل کر دیا گیا۔ واضح رہے کہ ڈی جی آئی ایس آئی کے عہدے کے لیے لیفٹننٹ جنرل رضوان اختر کی جگہ کور کمانڈر لیفٹننٹ جنرل نوید مختار کے نام کا اعلان کیا گیا تھا۔