ریاض(این این آئی )سعودی محکمہ شہری دفاع نے مملکت کے بیشتر علاقوں میں جمعے تک بارش کے حوالے سے الرٹ جاری کر دیا ہے۔عرب ٹی وی کے مطابق متاثرہ علاقوں میں مکہ مکرمہ ، ریاض، مدینہ منورہ، تبوک، حائل، قصیم، الشرقیہ، حدود الشمالی، الجوف، الباحہ اور عسیر شامل ہیں۔
بیان میں کہا گیا کہ ان علاقوں میں درمیانے درجے سے موسلادھار بارش کا امکان ہے۔محکمہ شہری دفاع نے بیان میں شہریوں کو احتیاطی تدابیر اختیار کرنے کی ہدایت کی اور کہا کہ خود کو محفوظ مقامات تک محدود رکھیں۔سیلاب والے مقامات، وادیوں اور نشیبی مقامات کے قریب نہ جائیں۔ ایسے مقامات پر جہاں پانی کا پانی جمع ہوجاتا ہے تیراکی سے گریز کریں۔شہری دفاع کا کہنا تھا کہ بارش کے دوران سوشل میڈیا سمیت مختلف ذرائع ابلاغ کے توسط سے جاری کی جانے والی ہدایات کی پا بندی کی جائے۔
