اسلام آباد (نیوز ڈیسک) رواں سال رمضان المبارک کے دوران دنیا کے مختلف ممالک میں روزے کا دورانیہ مختلف ہوگا، جہاں کچھ ممالک میں روزہ انتہائی طویل ہوگا، وہیں کچھ جگہوں پر اس کا دورانیہ مختصر ہوگا۔ذرائع کے مطابق، اس سال سب سے طویل روزہ یورپی ممالک سوئیڈن اور ناروے میں ہوگا، جہاں روزہ تقریباً 20 گھنٹے 30 منٹ طویل ہوگا۔ اسی طرح، گرین لینڈ اور آئس لینڈ میں بھی روزے کا دورانیہ 20 گھنٹے تک ہوگا۔دوسری جانب، دنیا کے سب سے مختصر روزے کا دورانیہ جنوبی امریکی ملک چلی میں ہوگا، جہاں روزہ صرف 11 گھنٹے طویل ہوگا۔

عرب ممالک میں سب سے طویل روزہ الجزائر میں ہوگا، جہاں روزے کا دورانیہ 16 گھنٹے 44 منٹ ہوگا۔ جبکہ سعودی عرب، مدینہ منورہ، ترکیہ اور نیویارک (امریکا) میں روزہ تقریباً 13 گھنٹے کا ہوگا۔پاکستان میں اس سال روزے کا دورانیہ تقریباً 12 گھنٹے 58 منٹ ہوگا۔ جبکہ متحدہ عرب امارات، بھارت، انڈونیشیا، برازیل، جنوبی افریقہ، ارجنٹائن اور نیوزی لینڈ میں روزے کا دورانیہ 12.5 گھنٹے ہوگا۔جنوبی افریقہ کے شہر جوہانسبرگ اور کیپ ٹاؤن، پیراگوئے کے سیوڈاد ڈیل ایسٹے، اور یوراگوئے کے مونٹیویڈیو میں روزہ 11 سے 12 گھنٹے تک ہوگا، جو دنیا کے مختصر ترین روزوں میں شمار کیا جاتا ہے۔ماہرین کے مطابق، سورج کے طلوع و غروب کے مختلف اوقات کے باعث دنیا بھر میں روزے کے دورانیے میں نمایاں فرق پایا جاتا ہے۔