ریوڈی جنیرو(این این آئی)برازیل کے شہر ساو پاولو میں مسافر بردار طیارہ گرگیا، طیارے میں 62 مسافر سوار تھے جو کہ سب ہلاک ہوگئے۔غیر ملکی میڈیا کے مطابق ٹوئن انجن طیارہ برازیل کے جنوبی علاقے کاسکاویل سے ساو پاولو جا رہا تھا۔غیر ملکی میڈیا کی جانب سے جاری کی جانے والی ویڈیو میں جہاز کو فضا سے زمین پتر گرتے ہوئے دیکھا جاسکتا ہے۔

حادثے کی ویڈیو میں دیکھا جاسکتا ہے کہ زمین پر گرتے ہی جہاز میں آگ بھڑک اٹھتی ہے۔ائیرلائن کا کہنا تھا کہ بدقسمت طیارے میں 58 مسافر اور عملے کے 4 افراد سوار تھے، حادثے کی وجہ کے بارے میں ابھی کوئی اطلاع نہیں ہے۔برازیل کے سول ڈیفنس کا کہنا تھا کہ طیارے رہائشی علاقے میں گرااور کئی گھروں سے ٹکرایا۔ حکام نے حادثے میں تمام 62 مسافروں کی ہلاکت کی تصدیق کردی ہے۔