کینبرا(این این آئی )آسٹریلیا میں ایک زولوجسٹ کو کتوں سے زیادتی کرنے اور انہیں مارنے کے باعث 249 سال قید کی سزا سنا دی ہے۔غیرملکی خبررساں ادارے کے مطابق زولوجسٹ آدم برٹن کو 60 سے زائد کتوں سے زیادتی اور انہیں مارنے کی وجہ سے سزا سنائی گئی ۔برطانوی ماہر مگرمچھ آسٹریلیا کے علاقے ڈارون میں رہائش اختیار کیے ہوئے ہیں، جبکہ اے بی سی کی رپورٹ کے مطابق آدم کتوں کو اپنی رہائشگاہ پر لاتے تھے۔جہاں وہ کتوں کو تشدد کا نشانہ بھی بناتا اور پھر انہیں موت سے ہمکنار بھی کرتا تھا، آدم اس گھنانے فعل کو کیمرے میں قید بھی کرتا تھا۔
گزشتہ سال آدم پر 60 سے زائد کتوں پر ظلم کرنے کا الزام ثابت ہوا تھا، جمعرات کے روز این ٹی سپریم کورٹ کے جج مشیل گرانٹ کی جانب سے سماعت سے قبل جانوروں کے حقوق کی تنظیموں کے نمائندوں سمیت ملازمین کو بھی عدالت کا کمرہ چھوڑنے کی درخواست کی تھی۔جج کا کہنا تھا کہ کیس کی نوعیت کو دیکھتے ہوئے اور ذہنی طور پر متاثر ہونے کے خدشے کے باعث یر درخواست کی گئی۔غیر ملکی میڈیا رپورٹ کے مطابق جہاں لوگ فیصلے کے منتظر تھے وہیں ملزم کے وکیل کی جانب سے درخواست کرتے ہوئے نئی رپورٹ جمع کرائی گئی۔ اس رپورٹ میں ملزم کے ذہنی طور پر غیر صحت مند ہونے کے حوالے سے بتایا گیا تھا۔
