نئی دہلی (این این آئی)بھارت کی ریاست اتر پردیش میں شادی کی تقریب مرغی کی بریانی میں مرغی کی ران ہونے پر لڑائی ہوگئی۔بھارتی ٹی وی کی رپورٹ کے مطابق شادی کی تقریب میں باراتیوں کا پارہ اس وقت ہائی ہوگیا جب انہوں نے محسوس کیا کہ بریانی میں مرغی کی ران موجود نہیں ہے۔
بارتیوں میں سے بعض نے منتظمین سے بریانی میں مرغی کی ران کی عدم موجودگی کا اظہار کیا لیکن ہر بار ان سے مختلف بہانے کردیے گئے جس کے بعد بارتیوں کے صبر کا پیمانہ لبریز ہوگیا۔بات تلخ کلامی کے بعد ہاتھا پائی تک پہنچ گئی اور دیکھتے ہی دیکھتے پورا پنڈال (شادی ہال) میدان جنگ کی صورت پیش کرنے لگا جس کے بعد پولیس کو طلب کرلیا گیا۔پولیس نے معاملہ ختم کروایا لیکن دولہے نے شادی سے انکار کردی اور بارات واپس چلی گئی۔
