الجزائر سٹی(این این آئی) الجزائر سے 130 سالہ خاتون فریضہ حج کی ادائیگی کے لیے مکہ مکرمہ پہنچ گئیں جہاں ایئرلائن اور ایئرپورٹ انتظامیہ نے ان کا پرتپاک استقبال کیا۔عرب میڈیا کے مطابق الجزائزر کی130سالہ سارہ ہدی کا ایئرپورٹ پر اعلی حکام نے خیر مقدم کیا اور معمر ترین حاجی ہونے پر تحائف بھی پیش کیے۔اس موقع پر سارہ ہدی خوش نظر آئیں اور اپنے استقبال کیلئے آنے والوں کا شکریہ بھی ادا کیا۔
مختصر گفتگو کرتے ہوئے انہوں نے کہا کہ اللہ کے گھر پہنچ کر مسرت محسوس کر رہی ہوں۔انہوں نے کہا کہ میری خواہش تھی کہ ہمیشہ کیلئے آنکھیں بند ہونے سے قبل ان آنکھوں سے خانہ کعبہ اور مسجد نبویۖ کا دیدار کروں۔
