اسلام آباد(مانیٹرنگ ڈیسک)چائنہ یوتھ ڈیلی میں شائع ہونے والے سروے کے مطابق 3 ہزار 5 افراد میں سے مجموعی طور پر 73.7 فیصد افراد کا کہنا ہے حالیہ عرصے کے دوران ان کا وزن بڑھا ہے۔رائے دینے والوں میں کل 88.1 فیصد کا کہنا ہے کہ شاید اس کی وجہ یہ ہے کہ انہوں نے کافی ورزش نہیں کی ہے اور 59.6 فیصد کا کہنا ہے کہ روزمرہ کا معمول برقرار نہ رکھنا بھی ایک وجہ ہوسکتی ہے،ایسے بھی لوگ تھے جن کا کہنا تھا کہ گھروں میں رہنے کے دوران انہوں نے زیادہ سے زیادہ کھایا ہے تاہم زیادہ تر لوگوں کا کہنا ہے کہ وہ اپنی زندگی

صحت مند بنانے کے لئے کوشش کررہے ہیں تاکہ فٹ رہ سکیں کیونکہ 66.5فیصد رائے دینے والوں کا کہنا تھا کہ وہ زیادہ عرصے تک ایک جگہ بیٹھے رہنے کے بجائے چہل قدمی اور متحرک رہنے کو توجہ دے رہے ہیں۔62 فیصد سے زائد لوگوں کا کہنا ہے کہ وہ گھروں میں ورزش کرتے رہتے ہیں اور 59 فیصد سے زیادہ لوگوں نے ایک متوازن خوراک کی نشاندہی کی ہے مجموعی طورپر 55.2 فیصد رائے دہندگان کا کہنا ہے کہ رات کی بھر پور نیند بھی بہت ضروری ہے۔واضح رہے کہ چین میں کرونا وائرس سے لوگوں کے معمولات زندگی شدید متاثر ہوئے ہیں۔

موضوعات:کرونا وائرس