کویت سٹی (این این آئی)کویت نے واضح طورپر کہا ہے کہ اس کے فوجی اڈے کسی پڑوسی ملک کے خلاف استعمال نہیں کیے گئے اور اس حوالے سے تمام افواہیں بے بنیادی ہیں۔عرب ٹی وی کے مطابق کویت کی مسلح افواج کی طرف سے جاری کردہ ایک بیان میں کہا گیا کہ بعض ذرائع ابلاغ اور سوشل میڈیا پر وائرل ہونے والی ان خبروں میں کوئی صداقت نہیں جن میں کہا گیا کہ عراق کے
فوجی اڈوں کو پڑوسی ملکوں کے خلاف حملوں کے لیے استعمال کیاگیا ۔بیان میں کہا گیا کہ تازہ پیش رفت میں متعلقہ حکام کو ہدایت کی گئی کہ وہ کشیدگی کم کرنے کے لیے خطے کے ممالک کے ساتھ ہم آہنگی پیدا کرنے کی کوشش کریں۔مسلح افواج کی طرف سے شہریوں پر زور دیا گیا کہ وہ غیرمصدقہ اور جعلی خبروں پر اعتبار نہ کریں۔ ذرائع ابلاغ جعلی خبروں اور افواہوں کی اشاعت سے گریز کریں۔
