مکہ مکرمہ (سی پی پی ) سعودی عرب میں گمشدہ زائرین ، معتمرین و حجاج کی سہولت کیلئے مکاتب کی تعداد 6 ہو گئی۔ سعودی ذرائع کے مطابق گمشدہ زائرین ، معتمرین و حجاج کی سہولت کیلئے سعودی حکومت کی طرف سے وزارۃ الحج اور عمرہ کے مکاتب بنائے گئے ہیں۔احباب مکہ گروپ کے نگران محمد سعد اعوان نے کہا ہے کہ ان مکاتب کی تعداد اس وقت تک 6 ہے ان میں سے 3 کام کر رہے ہیں۔

باقی آئندہ ماہ سے فعال ہو جائیں گے۔موجودہ مکاتب جن میں سے ایک مکتب مسفلہ کبری کے ساتھ فندق فلسطین کے سامنے، دوسرا باب عبد العزیز سے نکلتے ہی بائیں جانب عزیزیہ کی طرف جاتے ہوئے دائیں طرف فندق میریڈین کے بعد فندق جواد التاج کے نیچے واقع ہے۔ تیسرا مکتب غزہ کبری کے نیچے موجود ہے جو 24 گھنٹے کام کررہا ہے۔ مکتب نمبر 6 کبری غزہ کے نیچے ،مکتب نمبر 4 بجوار فندق مریدان طریق داِری الاول، مکتب نمبر 2 بجوار فندق فلسطین شارع ابراھیم خلیل پر موجود ہیں۔واضح رہے کہ حجاج اکثر ضعیف العمر ہوتے ہیں اور گاؤں دیہات سے آئے تقریبا 70 فیصد لوگ غیر تعلیم یافتہ اور اپنی علاقائی زبان کے علاوہ دوسری زبان نہیں بول سکتے، نہ سمجھنے کے سبب ہوٹل کا راستہ بھول جاتے ہیں۔ ان میں اکثریت جلد سے جلد عمرہ ادا کرنے کی کوشش میں ہوٹل کے کارڈ اور پاسپورٹ کی کاپی کمرے میں ہی چھوڑ جاتی ہے جوعمرے کی ادائیگی سے واپسی پر پریشانی کا سبب بنتی ہے۔