بھونیشور (مانیٹرنگ ڈیسک )بھارت میں سیلفی فور نے ایک ہی خاندان کے 3افراد کی جان لے لی ۔بھارتی میڈیا کے مطابق ریاست اڑیسہ کے راگھاڑہ ضلع میں ایک 30سالہ خاتون اور اس کے 5سالہ بیٹے کی سیلفی لیتے ہوئے دریا میں ڈوبنے سے اپنی جان سے ہاتھ دھو بیٹھے ۔ یہ واقعہ رائے گڑھ کے مضافات میں ناگوارالی ندی میں پیش آیا۔ رائے گڑھ پولیس کے مطابق عورت ناگوارا لی دریا کے پل پر اپنے

خاندان کے ہمراہ گئی تھی پل پر کچھ تصاویر لینے کے بعد عورت اپنے بیٹے اور بیٹی کے ساتھ پل سے اتر کر ایک چٹان پر بیٹھی اور سیلفی لینا شروع کردیا۔ سیلفی لیتے وقت تینوں چٹان سے پھسلتے ہوئے ندی میں جاگرے اور غرق آب ہوگئے۔پولیس اور راحت رسانی کے عملہ نے موقع پر پہنچ کارروائی شروع کی اورتینوں کی لاش ندی سے نکال کر پوسٹ مارٹم کیلئے بھیج دی۔