تل ابیب (مانیٹرنگ ڈیسک) اسرائیل کو پاکستان نے تسلیم نہیں کیا ہے اس وجہ سے کوئی پاکستانی اسرائیل کا سفر بھی نہیں کر سکتا اسی طرح کوئی اسرائیلی پاسپورٹ کا حامل پاکستان نہیں آ سکتا ہے لیکن ایک نوجوان اسرائیلی مسلمان نے پاکستانی حکومت سے اسرائیلی پاسپورٹ
پر پاکستان آنے کی اجازت طلب کی ہے اور ایک ایسی وجہ بتائی ہے کہ جسے سن کر آپ بھی کہیں کہ کوئی بات نہیں اسے پاکستان آنے دیں۔ یہ اسرائیلی مسلمان نوجوان فیس بک، یو ٹیوب اور دیگر سوشل میڈیا ویب سائٹس پر ایک منٹ کی ویڈیوز بنا کر پوسٹ کرتا ہے اس نوجوان کا کہناہے کہ وہ پاکستان کے متعلق ویڈیوز بنا کر اس ملک کے بارے میں دنیا کو بتانا چاہتا ہے اسی وجہ سے اس نے پاکستان حکومت سے درخواست کی ہے کہ اسے اسرائیلی پاسپورٹ پر پاکستان آنے کی اجازت دی جائے۔ اس نوجوان نے اپنے فیس بک پیج Nas Daily پر کہا کہ میں نے پاکستان، بنگلہ دیش اور متحدہ عرب امارات کے بارے میں بہت کچھ سن رکھا ہے، میں وہ سب کچھ اپنی آنکھوں سے دیکھنا چاہتا ہوں اور ان کی ویڈیوز بنا کر دنیا کو دکھانا چاہتا ہوں، اس اسرائیلی نوجوان نے کہا کہ میں وعدہ کرتا ہوں کہ میری ویڈیوز میں سیاست کا عنصر نہیں ہو گا، اس نے ان تینوں ممالک سے استدعا کرتے ہوئے کہا کہ اگر میرا داخلہ اسرائیلی پاسپورٹ کی وجہ سے نہیں ہو سکتا تو مجھے عارضی طور پر اپنا پاسپورٹ جاری کر دیں تاکہ میں ان ممالک کو دیکھ سکوں۔
