سری نگر/نئی دہلی (مانیٹرنگ ڈیسک) بھارتی پارلیمنٹ پر حملے کے فرضی کیس میں پھانسی کی سزا پانے والے کشمیری نوجوان محمد افضل گورو کے بیٹے غالب افضل گرو نے جموں وکشمیر بورڈ آف اسکول ایجویشن (بوس) کے زیر اہتمام منعقدہ بارہویں جماعت کے امتحانات میں نمایاں نمبر کے ساتھ کامیابی حاصل کرلی۔بھارتی میڈیا کے مطابق غالب افضل گرو نے سال 2016 میں بھی میٹرک کے امتحانات میں 500 میں سے 474 نمبر
حاصل کرکے 19 ویں پوزیشن حاصل کی تھی۔وادی کشمیر میں بارہویں جماعت کے امتحانات کے نتائج کا اعلان جمعرات کی صبح کیا گیا جس میں کامیاب امیدواروں کا تناسب 61 اعشاریہ 44 رہا ہے۔بارہویں جماعت کے امتحانات کے نتائج سامنے آنے کے بعد جب یہ خبر پھیل گئی کہ افضل گرو کے بیٹے غالب گرو نے 500 میں سے441 نمبرحاصل کئے ہیں تو اہلیان وادی نے سماجی رابطوں کی ویب سائٹس خاص طور پر فیس بک پر زبردست خوشی اور مسرت کا اظہار کیا اور ان کی طویل و کامیاب زندگی کے لئے دعائیں کیں۔ سائنس کا طالب علم غالب گرو ڈاکٹر بننا چاہتا ہے۔ وہ ڈسٹنکشن سے پاس ہوا ہے۔رپورٹوں کے مطابق غالب گرو کی امتحان میں نمایاں کارکردگی پر ان کے آبائی علاقہ سوپور کے جاگیر میں جشن کا ماحول ہے۔ گذشتہ روز یعنی 9 جنوری 2018 کو جب وادی میں میٹرک (دسویں) کے امتحانات کے نتائج کا اعلان کیا گیا تو اس میں 2016 کی ایجی ٹیشن کے دوران سیکورٹی فورسز کے ہاتھوں پیلٹ گن کے استعمال سے نابینا ہونے والی انشا مشتاق نے بھی کامیابی حاصل کی تھی۔ بھارتی پارلیمنٹ پر حملے کے فرضی کیس میں پھانسی کی سزا پانے والے کشمیری نوجوان محمد افضل گورو کے بیٹے غالب افضل گرو نے جموں وکشمیر بورڈ آف اسکول ایجویشن (بوس) کے زیر اہتمام منعقدہ بارہویں جماعت کے امتحانات میں نمایاں نمبر کے ساتھ کامیابی حاصل کرلی۔
