غزہ (این این آئی)اسلامی تحریک مزاحمت ’حماس‘ کے سیاسی شعبے کے سربراہ اسماعیل ھنیہ نے تحریک فتح کے سیکرٹری جنرل صائب عریقات کو ٹیلیفون کرکے ان کی خیریت دریافت کی ہے۔اطلاعات کے مطابق تحریک فتح کی ایگزیکٹو کمیٹی کے سیکرٹری جنرل پھیپھڑوں کی بیماری کا شکار ہیں۔ وہ ہسپتال میں زیر علاج ہیں جہاں ان کے پھیپھڑوں کی پیوند کاری کی جائیگی۔غزہ میں
اسماعیل ھنیہ کے دفتر سے جاری بیان میں کہا گیا ہے کہ ھنیہ نے صائب عریقات کی ٹیلیفون پر عیادت کی اور ان کی جلد صحت یابی کیلئے دعا کی ہے۔پیش آئند چند ایام میں صائب عریقات کے پھیپھڑوں کا اآپریشن متوقع ہے۔ ڈاکٹروں کا کہنا ہے کہ وہ دونوں گردوں کو نئے سرے سے ڈالیں گے۔باسٹھ سالہ صائب عریقات گزشتہ ہفتے علاج کیلئے امریکا روانہ ہوئے تھے۔اسی وجہ سے وہ
فلسطینی صدر محمود عباس کیساتھ جنرل اسمبلی کے اجلاس کے موقع پر دکھائی نہیں دیئے۔
