واشنگٹن (این این آئی)امریکی قومی سلامتی کے مشیر، ایچ آر مک ماسٹر نے یہ بتانے سے انکار کیاہے آیا صدر ڈونالڈ ٹرمپ نے فیصلہ کیا ہے کہ 2015ء میں جوہری ہتھیاروں کی تشکیل ترک کرنے کے عوض ایران کے ساتھ ہونے والے بین الاقوامی معاہدے سے الگ ہونے کا فیصلہ کیا ہے۔فیصلہ ایران کے بارے میں امریکہ کی وسیع تر حکمت عملی کا حصہ ہے۔غیرملکی خبررساں ادارے سے بات چیت میں مک ماسٹر نے
کہاکہ جب اعلان ہوگا بنیادی طور پر یہ اْس وسیع حکمت عملی کا حصہ ہوگی جس میں ایران کے عدم استحکام پیدا کرنے کیرویے کو مدنظر رکھتے ہوئے اہم امریکی مفادات کے تحفظ کو اولیت دی جائے گی۔ اْنھوں نے تسلیم کیا کہ یہ بات ’’واضح ہے‘‘ کہ ٹرمپ سمجھوتے کے کچھ حصوں پر دوبارہ غور و خوض کرانا چاہتے ہیں جس کا تعلق معاہدے کی میعاد پوری ہونے اور ایران کے بیلسٹک میزائیل پروگرام سے ہے۔
