لندن(آئی این پی )برطانوی میڈیانے دعویٰ کیا ہے کہ امریکہ نے اسامہ بن لادن کوقتل کرنے والے امریکی سیلزکوشمالی کوریا کے رہنما کم جانگ ان کومارنے کی ذمہ داری دینے پر غورشروع کردیا ہے ۔ایک برطانوی اخبار کی رپورٹ میں کہا گیا ہے کہ اسامہ بن لادن کوقتل کرنے والے امریکی سیلزکوشمالی کوریا کے رہنما کم جانگ ان کومارنے کی ذمہ داری دینے پر غورکیا جارہا ہے ، رپورٹ میں کہا گیا کہ اگر امریکہ اپنے ان مقاصد میں کامیاب
ہو گیا تو بھی یہ تیسری عالمی جنگ کی ابتدا تصور ہوگی۔ جنگ کی صورت میں سیلز ٹیم6جنوبی کوریاکیساتھ مل کرکم جانگ کومارنیکی کوشش کریگی۔کم جانگ ان کے قتل کامنصوبہ شمالی کوریاکے نئے ایٹمی دھماکے کے بعدکیاگیا۔جنوبی کوریا کے وزیردفاع نے دعوی کیا کہ ا یسا منصوبہ تیارکیاجارہاہے اوریکم دسمبرتک یونٹ تیارہوجائیگا۔واضح رہے کہ امریکی نیوی سیل کی ٹیم6نے 2011میں اسامہ بن لادن کوایبٹ آبادمیں آپریشن کے دوران ہلاک کیاتھا۔
