نئی دہلی(اے این این) بھارتی فوج میں کرپشن کا بڑا اسکینڈل سامنے آگیا، کرپشن کے الزام میں لیفٹیننٹ کرنل رنگن ناتھ مونی گرفتار۔بھارتی میڈیا کے مطابق سی بی آئی نے نئی دہلی میں بھارتی فوج کے ہیڈ کوارٹرزپر چھاپہ مار کر حاضر سروس لیفٹیننٹ کرنل رنگن ناتھ مونی کو گرفتار کیا۔اس پر الزام ہے کہ وہ بھاری رشوت کے عوض فوجی جوانوں اور افسروں کے تبادلے اور تعیناتی کراتا تھا۔ اس گروہ میں شامل 2 فوجی افسر پرشوتم اور ایس سوبھاس پہلے سے ہی گرفتار ہیں
جبکہ مڈل مین بھی سی بی آئی کی حراست میں ہے ،تمام گرفتار افراد سے تفتیش جاری ہے۔بھارتی میڈیا کے مطابق اس گروہ کا سرغنہ ایک حاضر سروس بریگیڈیئر ہے جس کے خلاف گھیرا تنگ کیا جارہا ہے اور اسکی گرفتاری جلد متوقع ہے۔
