نئی دہلی(آئی این پی) بھارتی فوج میں کرپشن کا بڑا سکینڈل سامنے آگیا ،حاضر سروس افسر ملوث نکلا، سی بی آئی نے رشوت لیکر فوجیوں کی ٹرانسفر پوسٹنگ کرنے والا گروہ پکڑلیا۔بھارتی میڈیا کے مطابق سی بی آئی نے نئی دہلی میں بھارتی فوج کے ہیڈ کوارٹرپر چھاپہ مار کر حاضر سروس لیفٹیننٹ کرنل رنگن ناتھ مونی کو گرفتار کیا ۔ اس پر الزام تھا کہ وہ بھاری رشوت کے عوض فوجی جوانوں اور افسروں کے تبادلے اور
پوسٹنگ کراتا تھا ۔ اس گروہ میں شامل دو فوجی افسر پرشوتم اور ایس سوبھاس پہلے سے ہی گرفتار ہیں جبکہ مڈل مین بھی سی بی آئی کی حراست میں ہے ۔تمام گرفتار افراد سے تفتیش جاری ہے ۔بھارتی میڈیا کے مطابق اس گروہ کا سرغنہ ایک حاضر سروس بریگیڈئیر ہے جس کے خلاف گھیرا تنگ کیا جارہا ہے اور اسکی جلد گرفتاری متوقع ہے۔واضح رہے کہ بھارتی افسررشوت لے کربھرتیاں اورتبادلے کرتے ہیں ۔
