واشنگٹن (آئی این پی)عنقریب سبکدوش ہونے والے امریکی صدر باراک اوباما نے ملکی عوام کے نام لکھے اپنے ایک خط میں اپنی انتظامیہ کی کامیابیاں بیان کی ہیں۔ مختلف شعبوں کے بارے میں ملکی کابینہ کے اراکین کے تجاویز کے ساتھ یہ خط وائٹ ہاؤس کی جانب سے جمعرات کی شب جاری کیا گیا۔ اس خط میں یہ واضح کیا گیا ہے کہ اوباما انتظامیہ کے آٹھ برسہ دور اقتدار میں کن کن شعبوں میں اور کیا کیا پیش رفت ہوئی ہے۔ اوباما نے بالخصوص طبی سہولیات کی فراہمی سے متعلق اپنے افورڈیبل کیئر ایکٹ کا ذکر کیا، جس کے بارے میں نو منتخب صدر ڈونلڈ ٹرمپ یہ کہہ چکے ہیں کہ وہ صدارت کا منصب سنبھالتے ہی اسے ختم کر دیں گے۔