واشنگٹن(این این آئی)نومنتخب امریکی صدرٹرمپ نے ایک مرتبہ پھر مسلمانوں کے امریکہ میں داخلے کے سلسلے میں سختی برتنے کا اعلان کرتے ہوئے کہاہے کہ وہ اس سلسلے میں چھان بین کا نظام لے کر آئیں گے،مسلمانوں کی چھان بین کا مطالبہ درست ثابت ہوا،غیرملکی خبررساں ادارے کے مطابق روسی سفیر کے قتل اور برلن کی کرسمس مارکیٹ میں ٹرک حملے پر نو منتخب امریکی صدر کا تازہ ترین رد عمل سامنے آیا ہے۔

میڈیاسے بات چیت میں ان کا کہنا تھا کہ مسلمانوں کی چھان بین کا میرا مطالبہ درست ثابت ہوا ہے۔ ٹرمپ نے کہا کہ آپ کو میرے منصوبے کا پتا ہے، وقت نے ہمیشہ مجھے درست ثابت کیا ہے۔ 100 فیصد درست، جو کچھ ہو رہا ہے وہ شرمناک ہے،

ان کا کہنا تھا کہ اس ہفتے یورپ میں ہونے والے پْرتشدد حملے یہ ’ثابت کرتے ہیں‘ کہ وہ ’درست‘ سوچ رکھتے ہیں۔ اگلے ماہ جب وہ اختیارات سنبھالیں گے، مسلمانوں کے امریکہ میں داخلے کے سلسلے میں سخت چھان بین کا نظام لے کر آئیں گا۔اْنھوں نے تشدد کے حالیہ واقعات کو انسانیت کے خلاف حملہ قرار دیا اور کہا کہ اسے روکنے کی ضرورت ہے۔