سری نگر(نیوزڈیسک)مقبوضہ کشمیر کی ہائی کورٹ کی جانب سے گوشت کی فروخت پر لگائی جانے والی پابندی کے خلاف ہونے والے احتجاجی سلسلوں سے مجبور ہو کر بھارتیہ جنتہ پارٹی (پی جے پی) کے جنوبی کشمیر کے رہنما نے بیف پارٹی منعقد کرنے کا اعلان کردیا ہے۔انڈین ایکسپریس کی رپورٹ کے مطابق خورشید احمد ملک کے مطابق دعوت کا مقصد ہندوو¿ں اور مسلمانوں کے درمیان مذہبی رواداری کا پیغام دینا ہے۔بی جے پی رہنما نے بتایاکہ انھوں نے ایک بیف پارٹی منعقد کرنے کا فیصلہ کیا جس میں ہندو اور مسلمان دونوں کو ہی شرکت کی دعوت دی گئی مسلمانوں کو گوشت اور ہندوو¿ں کو سبزی سے بنے ہوئے کھانے پیش کیے جائیں گے۔انھوں نے کہا کہ یہ دعوت مذہبی رواداری، بھائی چارے اور سیکولرازم کا پیغام دے گی 2014 کے عام انتخابات میں ناکام ہونے والے پی جے پی کے رہنما نے کہا کہ سیاست کے علاوہ میں ایک مسلمان بھی ہوں اور میں اپنے مذہب پر سمجھوتہ نہیں کرسکتا بالکل بھی نہیں۔بیف پارٹی کےلئے بی جے پی سے اجازت لینے کے سوال پر خورشید احمد ملک نے کہاکہ کیا ان کو مسجد جانے اور نہ جانے کے لیے پارٹی سے پوچھنا پڑے گا؟ پارٹی کا ان دعوت سے کوئی تعلق نہیں ۔انھوں نے کہا کہ بی جے پی میں شمولیت اختیار کرنے کا مقصد اپنے لوگوں خاص طور پر مسلمانوں کوکو مضبوط کرنا ہے واضح رہے کہ گزشتہ ہفتے کشمیر کی ہائی کورٹ کی جانب سے ایک پٹیشن کی سماعت کے دوران گوشت کی فروخت پر پابندی لگادی گئی اور ساتھ ہی انتظامیہ کو اس پر سختی سے عمل درآمد کروانے کا حکم بھی دیا گیا۔