جے پور(نیوزڈیسک)بھارت کی ایک عدالت نے ملک کے سیاحتی دورے پر آئی ہوئی جاپانی طالبہ کے ساتھ اجتماعی جنسی زیادتی کا الزام ثابت ہونے پر تین مجرموں کو بیس بیس سال قید کی سزا سنائی ہے ۔بھارت کی مغربی ریاست راجستھان کے دارالحکومت جے پور کی ایک عدالت نے جمعہ کو فیصلہ سناتے ہوئے کہا کہ ان کے خلاف لگائے گئے یہ الزامات ثابت ہو گئے تھے کہ انہوں نے جے پور ہی میں سیاحتی دلچسپی کے مقامات کی سیر کو آنے والی ایک نوجوان جاپانی لڑکی کے ساتھ جنسی زیادتی کی تھی۔غیر ملکی سیاحوں کے لیے بہت پرکشش سمجھے جانے والے بھارتی شہروں میں جے پور بھی شامل ہے۔ ان تینوں مجرموں نے رواں سال فروری میں جس جاپانی طالبہ کو زیادتی کا نشانہ بنایاتھا، اس کی عمر بیس برس تھی۔ استغاثہ کے مطابق ان تینوں بھارتی شہریوں نے غیر ملکی خاتون سے ملاقات کے بعد اسے پیشکش کی تھی کہ وہ اس کے لیے ٹورسٹ گائیڈ کی خدمات انجام دے سکتے تھے۔عدالتی ریکارڈ کے مطابق ملزمان اس جاپانی