کابل (اوصاف ویب ڈیسک)افغانستان میں طالبان کے حملے میں 7پولیس اہلکارمارے گئے طالبان نے فوجی سازوسامان بھی قبضہ میں لے لیا قندوز میں ایک شہری اور بارہ شدت پسند ہلاک ہوگئے۔غیر ملکی میڈیا کے مطابق ہلمند کے ضلع گرام سیر کے ضلعی پولیس چیف نے بتایا کہ طالبان نے برہ تیگہ کے مقام پر چیک پوسٹ پر حملہ کردیا جس کے بعد سیکورٹی فورسز اورطالبان کے درمیان جھڑپ شروع ہوئی جھڑپ میں مقامی پولیس کمانڈر سمیت 7پولیس اہلکار ہلاک اورکئی زخمی ہوگئے۔حملہ آوروں نے پولیس کے اسلحہ اوردیگر سامان پر بھی قبضہ کرلیا۔شمالی صوبہ قندوز میں حکام کے مطابق تشدد کے تازہ واقعات میں ایک شہری اور12عسکریت پسند ہلاک ہوگئے۔حکام نے بتایاکہ صوبہ فاریاب میں دو مقامی کمانڈروں کے مابین جھڑپ میں 4افراد ہلاک ہوگئے۔اسی طرح صوبہ جوزجان میں ایک جھڑپ میں دو طالبان کی ہلاکت کی تصدیق کی گئی ۔