اسلام آباد(نیوز ڈیسک)آئرلینڈ کی فضائی کمپنی ریان ایئر نے اپنی 30ویں سالگرہ پر ایک ایسی لاجواب آفر متعارف کروائی ہے کہ آپ کبھی بھی یہ موقع کھونا نہیں چاہیں گے۔ ریان ایئر کے طیاروں میں ایک لاکھ سیٹیں ہیں اور سالگرہ پر ایئرلائن فی سیٹ صرف 19.85یورو(تقریباً2231روپے) کرایہ وصول کرے گی، اس کے لیے سفر کے لیے ممالک کی کوئی قید نہیں، خواہ آپ کسی بھی ملک سے کہیں بھی جانا چاہتے ہوں، آپ سے صرف 19.85یورو ہی وصول کیے جائیں گے۔اس کے لیے شرط یہ ہے کہ آپ کو آج رات 12بج کر 1منٹ سے اتوار کی رات 12بجے کے دوران ایئرلائن کی ویب سائٹ Rianair.comپر بکنگ کروانی ہو گی۔ اس دوران خریدے گئے ٹکٹ پر آپ ستمبر سے جنوری کے اختتام تک سفر کر سکیں گے۔ایئرلائن کے چیف مارکیٹنگ آفیسر کینے جیکبز کا کہنا ہے کہ 8جولائی کو کمپنی کی 30ویں سالگرہ ہے، اس دن کمپنی کی پہلی فلائٹ نے واٹرفورڈ سے گیٹ وک کے لیے اپنی اڑان بھری تھی۔ ہم اپنے صارفین کو 1985میں واپس لیجانا چاہتے ہیں جب ہماری فلائٹس کا کرایہ 19.85یورو تھا۔اس پیشکش کش سے مسافروں کو 125ملین یوروز کی بچت ہو گی۔ ہماری ایئرلائن یورپ کی سب سے سستی ایئرلائن ہے اور بہترین سفری سہولیات سے آراستہ ہے۔ سالگرہ کے بعد بھی ہمارے کرایوں میں اضافہ نہیں کیا جائے گا۔