صدر گوگیرہ(این این آئی)پاکستان عوامی تحریک سے وابستگی رکھنے والی دودلہنیں جی ٹی روڈ منہاج ہاؤس کے سامنے دئیے جانے والے دھرنے میں پہنچ گئیں، نئی نویلی دلہنوں کو احتجاج میں شامل ہوتے ہوئے دیکھ کر سینکڑوں خواتین مل کر نعرے لگاتی رہیں ۔پاکستان عوامی تحریک کے زیر اہتمام ملک بھر کی طرح اوکاڑہ میں بھی احتجاج کیا گیا جی ٹی روڈ منہاج ہاؤس کے باہر عوامی تحریک کے احتجاج میں اس وقت دلچسپ صورتحال پیدا ہو گئی جب رابیہ اسلم اور ماریہ خالد نامی دو نئی نویلی دولہنیں جو کہ گزشتہ روز سیالکوٹ کے علاقہ سے بیا کر اوکاڑہ آئیں تھیں عوامی تحریک سے وابستگی ہونے کی وجہ سے اپنے سسرال والوں کو عوامی تحریک کے احتجاج میں شامل ہونے کی خواہش کا اظہار کیا جس پر دونوں نئی نویلی دولہنیں رابیعہ اور ماریہ اپنے سسرالیوں کے ہمراہ ڈاکٹر طاہر القادری کی کال پر احتجاج میں شامل ہوئیں اس دوران احتجاج میں موجود افراد اور خواتین دلہنوں کے ساتھ مل کر نعرے لگاتی رہیں ۔