شننگ (مانیٹرنگ ڈیسک ) حکام نے ہفتے کو بتایا کہ شمالی مغربی چین میں انتہائی بلندی پر ہر ن کی ایک نایاب قسم پائی گئی ہے ، دریائے لنکانگ ، یانگ ژی اور زرد کے سرچشمے کے قریب سطح سمندر سے 4000میٹر سے زائد بلند ی پر صوبہ چنگھائی میں بڑے قدو قامت کے 8ہرنوں کا ایک گروپ دیکھا گیا ہے ، ایک ماحولیاتی افسر شینگ گا نے کہا کہ یہ چنگھائی ۔تبت سطح مرتفع پر عام طورپر پائے جانیوالے سرخ ہرن سے مشابہہ ہے تا ہم اس میں کئی فرق پائے جاتے ہیں ، کئی مہینوں تک زیرمشاہدہ رکھنے کے بعد اس امر کی تصدیق ہوگئی ہے کہ یہ جانور بڑے قدو قامت والے ہرن ہیں ، یہ ہرنوں کی سب سے بڑی قسم ہے جو استوائی اور نیم استوائی علاقوں میں پائی جاتی ہے ۔یہ بات بیجنگ شان شوئی کنزرویشن سینٹر کے ایک محقق ژاؤ شیان نے بتائی ہے ۔ژاؤ نے کہا کہ سرد علاقوں میں اس قدر بلندی پر بڑے قدوقامت والے ہرن پائے جانا انتہائی غیر معمولی ہے ۔ژاؤ نے کہا کہ اس دریافت سے یہ عندیہ مل سکتا ہے کہ دریائی منبعوں پر ماحول بہتر ہورہا ہے ۔ژاؤ نے کہا کہ ماحولیاتی تبدیلی بھی اہم وجہ ہو سکتی ہے ، بڑے قدوقامت والے ہرن معدوم اقسام کی آئی یو سی این ریڈ لسٹ پر ’’ قابل تسخیر ‘‘ کے طورپر درج ہیں ۔