روم(مانیٹرنگ ڈیسک) اٹلی کے رئیلٹی شو میں 20چیئر لیڈرز نے اسمارٹ کار میں بیٹھ کر عالمی ریکارڈ قائم کردیا۔یوں تو چھوٹی گاڑیوں میں ڈرائیور سمیت 4سے 5افراد کے سوار ہونے کی گنجائش ہوتی ہے لیکن جب بات ہو عالمی ریکارڈ قائم کرنے کی تو منچلوں کو بھلا کون روک سکتا ہے۔جی ہاں اٹلی کے ایک رئیلٹی شو میں چیئر لیڈرز کے گروپ میں شامل 20خواتین نے اسمارٹ کار میں ایک ساتھ سوار ہوکر عالمی ریکارڈ قائم کردیا ہے۔ریکارڈ کیلئے تمام خواتین کا قد کم از کم 5فٹ ہونا لازمی تھا جبکہ کم سے کم عمر کی شرط بھی18برس تھی۔واضح رہے کہ ا س سے قبل یہ ریکارڈ 2011میں بھی امریکا میں 20چیئر لیڈرز نے قائم کیا گیا تھا ۔