اسلام آباد (این این آئی) سینٹ کوبتایاگیاہے کہ 2017کی مردم شماری کے مطابق ملک میں 580000ٹی بی کے مریض ہیں۔جمعہ کو وقفہ سوالات کے دور ان وزارت قومی صحت نے تحریری جواب میں بتایاکہ 2017کی مردم شماری کے مطابق ملک میں 580000ٹی بی کے مریض ہیں۔ وزارت صحت کے مطابق کے پی کے میں ٹی بی کے مریضوں کی تعداد 4360ہے۔تحریری جواب میں بتایاگیاکہ ڈریپ کے سی ای او اختر حسین کی ڈگری رجسٹرڈ
یونیورسٹی سے نہیں ہے۔بتایاگیاکہ اختر حسین کی ڈگری رجسٹرڈ یونیورسٹی سے نہ ہونے کی وجہ انہیں کام سے روک دیا گیا ہے ۔ وزارت صحت کے مطابق گذشتہ پانچ سالوں میں حکومت نے سپورٹس فیڈریشن کو ایک ارب روپے سے زائد کے فنڈز دئیے ہیں۔ جواب میں بتایاگیاکہ مالی سال 2019-20 میں آبی ذخایر کے لیے دو سو بیس ارب روپے مختص کرنے کا ارادہ رکھتی ہے۔بتایا گیاکہ بارانی علاقوں میں ابی ذخایر اور ڈیموں کے لئے 27ارب روپے بجٹ میں رکھے جاینگے۔
