قاہرہ(این این آئی)مصر سے تعلق رکھنے والی دنیا کی فربہ ترین‘ خاتون کا بھارت میں علاج جاری ہے،میڈیارپورٹس کے مطابق ڈاکٹروں نے بتایا کہ گزشتہ دو ماہ سے جاری خصوصی علاج کے سبب وہ اپنا آدھا وزن کم کر چکی ہیں۔ علاج سے قبل ان کا وزن 500 کلوگرام تھا۔میڈیارپورٹس کے مطابق 37 سالہ ایمان احمد العاطی کا تعلق مصر کے بندرگاہی شہر اسکندریہ سے ہے۔ ان کا وزن بڑھتے بڑھتے 500 کلوگرام تک پہنچ
گیا تھا اور وہ گزشتہ دو دہائیوں سے بھی زائد عرصے سے اپنے گھر سے باہر نہیں نکلی تھیں۔ انہیں ہفتہ 11 فروری کو بھارت کے اقتصادی مرکز ممبئی لایا گیا تھا، اس مقصد کے لیے ایئربس کے ہوائی جہاز میں خصوصی طور پر رد وبدل کیا گیا تھا۔ایمان احمد کا علاج ممبئی کے سیفی ہسپتال میں جاری ہے۔ ڈاکٹروں نے منگایمان احمد کی ’’لیپرواسکوپک سلییو گیسٹریکومی‘‘ نامی سرجری کی تھی۔سیفی ہسپتال کی طرف سے فراہم کی جانے والی تازہ ویڈیوز میں ایمان احمد العاطی کو بیٹھا ہوا دیکھا جا سکتا ہے۔ ویڈیو میں وہ موسیقی سے لطف اندوز ہو رہی ہیں اور مسکراتے ہوئے دیکھی جا سکتی ہیں۔اس ہسپتال کے ڈاکٹروں کی طرف سے جاری ہونے والے ایک بیان کے مطابق وہ اب خوش اور اپنے ماضی کے مقابلے میں کافی کم وزن دکھائی دیتی ہیں۔ وہ اب وہیل چیئر میں پوری آ جاتی ہیں اور زیادہ دیر تک بیٹھی رہ سکتی ہیں۔ تین ماہ قبل ہم اس کا سوچ بھی نہیں سکتے تھے۔ اس بیان کے مطابق ایمان احمد گزشتہ دو ماہ کے دوران 250 کلوگرام وزن کم کر چکی ہیں۔
