دانیہ پر شدید تنقید، ارمینا رانا اور یشما گل دفاع میں سامنے آگئیں

  پیر‬‮ 13 جون‬‮ 2022  |  16:25

کراچی (این این آئی)معروف ٹی وی میزبان اور رکن قومی اسمبلی عامر لیاقت کی وفات کے بعد سوشل میڈیا پر ان کی تیسری اہلیہ دانیہ ملک کو شدید تنقید کا نشانہ بنایا جا رہا ہے۔سوشل میڈیا صارفین عامر لیاقت کی موت کا سبب دانیہ کو قرار دے رہے ہیں،

صارفین کے مطابق دانیہ نے عامر لیاقت کی ذہنی حالت خراب کی اس لیے وہی ان کی موت کی سب سے بڑی ذمہ دار ہیں۔تاہم اب دانیہ شاہ کی حمایت میں اداکارہ ارمینا رانا خان اور یشما گل سامنے آئی ہیں۔اداکارہ ارمینا نے انسٹاگرام اسٹوری پر ایک پوسٹ شیئر کی جس پر لکھا تھا کہ مانو یا نہ مانو، دانیہ نے عامر لیاقت کو کھا لیا ہے۔اداکارہ نے غصے کا اظہار کرتے ہوئے اس پوسٹ پر تبصرہ کیا کہ آپ لوگ کیا کر رہے ہیں؟ کیا اب آپ ایک کم عمر لڑکی کو اس طرح پریشان کریں گے؟ کیا اب تک آپ نے عامر لیاقت کی موت سے کچھ نہیں سیکھا؟دوسری جانب یشما گل نے کہا کہ دانیہ شاہ کو چھوڑ دیں، ایک زندگی پہلے ہی جا چکی ہے، اب دوسری زندگی کھونے کا خطرہ مول نہ لیں، اللہ تعالیٰ کو حساب کرنے دیں۔اداکارہ نے مزید لکھا کہ ہوسکتا ہے کہ اس نے برے کام کیے ہوں، یا نہ کیے ہوں لیکن ہم کون ہوتے ہیں کہ فیصلہ کرکے نفرت انگیز الفاظ کہنے لگ جائیں؟واضح رہے کہ عامر لیاقت کی تیسری اہلیہ دانیہ نے ان کے خلاف تنسیخِ نکاح کا کیس دائر کر رکھا تھا، عامر لیاقت کی موت کے بعد دانیہ نے بتایا کہ عامر لیاقت نے اپنی زندگی میں صلح کا پیغام بھیجا تھا۔



زیرو پوائنٹ

چودھری برادران میں پھوٹ کیسے پڑی؟

میں نے مونس الٰہی سے پوچھا ’’خاندان میں اختلافات کہاں سے شروع ہوئے؟‘‘ ان کا جواب تھا’’جائیداد کی تقسیم سے‘ ظہور الٰہی فیملی نے اپنے اثاثے ہمارے بچپن میں آپس میں تقسیم کر لیے تھے صرف لاہور کا گھر رہ گیا تھا‘ یہ گھر ہمارے نانا چودھری ظہور الٰہی نے بنانا شروع کیا تھا لیکن مکمل ہونے سے قبل ہی ....مزید پڑھئے‎

میں نے مونس الٰہی سے پوچھا ’’خاندان میں اختلافات کہاں سے شروع ہوئے؟‘‘ ان کا جواب تھا’’جائیداد کی تقسیم سے‘ ظہور الٰہی فیملی نے اپنے اثاثے ہمارے بچپن میں آپس میں تقسیم کر لیے تھے صرف لاہور کا گھر رہ گیا تھا‘ یہ گھر ہمارے نانا چودھری ظہور الٰہی نے بنانا شروع کیا تھا لیکن مکمل ہونے سے قبل ہی ....مزید پڑھئے‎