لاہور (این این آئی)معروف فلم پروڈیوسرچودھری سلیم باجوہ نے کہا ہے کہ کشمیر پر حکومت پاکستان کے دلیرانہ مؤقف سے کشمیریوں کے حوصلے مزید بلند ہوئے ہیں۔ انٹرویو میں چودھری سلیم باجوہ نے کہا کہ 2 ماہ سے محصور کشمیری بھارتی مظالم کا ڈٹ کر مقابلہ کر رہے ہیں ان کی قربانیاں جلد رنگ لائیں گی۔ آزادی کشمیریوں کا مقدر ہے اور پاکستان کا بچہ بچہ کشمیریوں کے ساتھ ڈٹ کر کھڑا ہے۔جب تک ہندوستان مظلوم کشمیریوں کو حق خودارادیت نہیں دیتا کشمیریوں کی ہر فورم پر

حمائت کا سلسلہ جاری رہے گا۔انہوں نے کہا کہ بھارت جبر سے کشمیریوں کی آزادی کو سلب نہیں کر سکتا بھارت کشمیر میں بے گناہوں کا قتل عام کر رہا ہے پاکستانی قوم کے دل کشمیری بھائیوں کے ساتھ دھڑکتے ہیں کشمیریوں کا خون رائیگاں نہیں جائے گا۔عالمی انسانی حقوق کے اداروں اقوام متحدہ سمیت مسلم ممالک کو کشمیریوں پر مظالم بند کروانے کے لئے فوری موثر پالیسی بنانا ہو گی،کشمیریوں پر زندگی تنگ کر دی گئی ہے اور روزانہ بے گناہ کشمیری مسلمانوں کو شہید کیا جا رہاہے۔

موضوعات:چودھری سلیم باجوہ