نیویارک (این این آئی)ہولی و وڈ فلموں ’سوسائڈ اسکواڈ‘ جسٹس لیگ، سیکریٹ سکس اور ولینز‘ میں ایکشن دکھانے والے معروف خاتون سپر ہیرو فکشن کردار ’ہارلی کوئن‘ کی نئی فلم ’دی برڈز آف پرے‘ کا پہلا ٹریلر ریلیز کردیا گیا۔یہ اب تک کی ’ہارلی کوئن‘ کی مرکزی کردار کی پہلی فلم ہے جسے ڈی سی کامکس کے ’ایکسٹینڈڈ یونیورسل‘ پروڈکشن ہاؤس کے بینر تلے ریلیز کیا جائے گا۔

کم دورانیے کے ٹریلر کو دیکھ کر فلم کی کہانی کو سمجھنا مشکل ہے، تاہم ٹریلر سے اندازہ ہوتا ہے کہ اس بار ’ہارلی کوئن‘ ایک منفرد مہم میں مصروف دکھائی دیں گی۔ٹریلر میں دکھایا گیا ہے کہ ’ہارلی کوئن‘ اپنے پارٹنر کردار ’جوکر‘ سے الگ ہوکر خواتین کے ایک اسکواڈ کا حصہ بن جاتی ہیں جو ایک کمسن بچی کو جرائم پیشہ افراد سے بچاتے ہیں۔ٹریلر میں ’ہارلی کوئن‘ کے کردار کو جرائم پیشہ افراد سے منفرد انداز میں الجھتے ہوئے بھی دکھایا گیا ہے۔ٹریلر سے یہ عندیہ بھی ملتا ہے کہ اس بار مداحوں کو سائنس فکشن فلم میں جہاں ’ہارلی کوئن‘ ایکشن میں دکھائی دیں گی، وہیں وہ ہلکی پھلکی مزاح سے شائقین کا دل بھی بہلاتی نظر آئیں گی۔فلم میں ہارلی کوئن کا کردار 29 سالہ آسٹریلین اداکارہ مارگوٹ ایلسی رابی نے ادا کیا ہے، جنہوں نے اسی ہی کردار کو 2016 کی مقبول فلم ’سوسائڈ اسکواڈ‘ میں ادا کیا تھا۔مارگوٹ ایلسی رابی اسی کردار کو ’سوسائڈ اسکواڈ‘ کے سیکوئل میں بھی ادا کریں گی۔ان کے علاوہ ’برڈز آف پرے‘ کی دیگر کاسٹ میں میری ایلزبیتھ، روزی پیرز، کرس میسینا اور اعلی وانگ سمیت دیگر اداکار شامل ہیں۔فلم کی کہانی کرسٹینا ہڈسن نے لکھی ہے جب کہ اسے مارگوٹ روبی نے پروڈیوس کیا ہے اور ان کے ساتھ دیگر 2 افراد نے بھی اس فلم کو پروڈیوس کیا ہے۔ہدایت کار کیتھے یان کی اس فلم کو آئندہ برس فروری میں ریلیز کیے جانے کا امکان ہے۔

موضوعات:ہارلی کوئن