کراچی(این این آئی) معروف اداکار فردوس جمال کے بھولا کی اداکاری سے متعلق کی گئی تنقید پر عمران اشرف کا رد عمل سامنے آگیا۔عمران اشرف نے سوشل میڈیا پیچ پر فردوس جمال کی تنقید پر رد عمل میں کہا کہ وہ بہت ہی با کمال اداکار ہیں اور میں اْن کی رائے اور نظریے کا احترام کرتا ہوں کیوں کہ فردوس جمال ہماری انڈسٹری کے بڑے ہیں اور یقیناً اگر فردوس صاحب ’’ بھولے ‘‘ کا کردار ادا کرتے تو مجھ سے ہزار گناہ زیادہ بہتر کرتے۔عمران اشرف نے سوشل میڈیا صارفین سے مطالبہ کرتے ہوئے کہا کہ کوئی بھی فردوس کی

بات پر جذبات سے بھرا کمنٹ اور رائے کا اظہار نہیں کرے۔ جیسے گھر میں بڑے ہمیں سمجھانے کے لئے کچھ کہتے ہیں تو ہم بْرا نہیں مانتے ٹھیک اسی طرح فردوس جمال صاحب بھی ہمارے بڑے ہیں اور مجھے اْن کی بات کا بالکل بھی بْرا نہیں لگا بلکہ میں مزید سیکھنے کی کوشش کروں گا۔واضح رہے کہ اداکارفردوس جمال نے عمران اشرف سے متعلق کہا تھا ڈرامہ ’’رانجھا رانجھا کردی‘‘ میں ان کی جانب سے ادا کیا گیا بھولے کا کرداربہترین اداکاری نہیں بلکہ محض دکھاوا تھا، اورایسا کردارپہلے بھی بہت سے فنکارادا کرچکے ہیں۔

موضوعات:بھولے