لاہور( این این آئی)نامور اداکارہ ریشم نے کہا ہے کہ اعتدال پسند شخصیت کے حامل لوگوں سے میری اچھی بنتی ہے اور میرے دوستوں کی فہرست میں زیادہ تر ایسے ہی لوگ شامل ہیں ، زندگی کے فلسفے کو سمجھنا آسان کام نہیں بلکہ جو اس کی کھوج کی کوشش کرتا ہے وہ مزید الجھ جاتا ہے ، اپنے کیرئیر میں جتنا بھی کام کیا ہے اس سے مطمئن ہوں ۔ ایک انٹر ویو میں اداکارہ نے کہا کہ زندگی کے کسی بھی معاملے میں اعتدال پسندی سے کام لینے والے لوگ دوسروں کی نسبت زیادہ کامیابیاں سمیٹتے ہیں ۔ ہمارا مذہب بھی ہمیں اعتدال پسندی کا ہی درس دیتا ہے ۔
ریشم نے کہا کہ کسی بھی انسان کی زندگی میں قسمت کا بڑا عمل دخل ہے اور میر ا تو اس پر قوی یقین ہے ۔ انسان کی زندگی میں بعض ایسے واقعات رونما ہوتے ہیں جو صرف قسمت سے جڑے ہوتے ہیں۔ اداکارہ نے کہا کہ زندگی کے فلسفے کو سمجھنا آسان کام نہیں او ر اس کیلئے چند سال کافی نہیں ، اگر کوئی اس کی کھوج کی کوشش کرتا ہے تو وہ مزید الجھ جاتا ہے ۔ہر انسان کو اپنی زندگی سچائی کے ساتھ اور دوسرے کی بھلائی کے لئے گزارنی چاہیے اور اسی میں کامیابی ہے ۔ ریشم نے کہا کہ اپنے کیرئیر سے مطمئن ہوں ، ایسا کردار جس سے میرے فن کو داد ملے اسے ضرور نبھائوں گی۔
