لاہور(این این آئی)نامور اداکارہ ریشم نے کہا ہے کہ اگر مخلص دوست مل جائیں تو کسی بھی انسان کی زندگی خوبصورت ہو جاتی ہے ، ہمیشہ منافق لوگوں سے دوری پر رہی ہوں کیونکہ ایسے لوگ آپ کیلئے ذہنی اذیت کا باعث ہوتے ہیں۔ ایک انٹر ویو میں ریشم نے کہا کہ میرے دوستوں کی تعداد کم ہے لیکن جتنے بھی ہیں سب ایک دوسرے سے مخلص ، محبت کرنے اور احترام دینے والے ہیں اور مجھے اپنے دوستوں پر فخر ہے ۔ انہوںنے کہا کہ میں اپنے دوستوںکی غمی اورخوشی

میں شریک ہوتی ہوں کیونکہ ایسے وقت میں ہی دوستوں کی پہچان ہوتی ہے ۔ ریشم نے کہا کہ شاعری سے جنون کی حد تک لگائو ہے اور جب کبھی دوستوں کی محفل جمتی ہے تو مجھ شاعری سنانے کا اصرار کیا جاتا ہے ،شاعر بڑا حساس ہوتا ہے او راس کے کہے ہوئے الفاظ میں بڑی گہرائی ہوتی ہے ۔ ریشم نے کہا کہ انسان کی اندر کی خوبصورتی انسان کی ظاہر ی خوبصورتی کو چار چاند لگا دیتی ہے لیکن بد قسمتی سے آج لوگ اندر کی بجائے باہر کی خوبصورتی پر توجہ دیتے ہیں ۔

موضوعات:ریشم