لاہور (مانیٹرنگ ڈیسک)گزشتہ رات نامور پاکستانی لیجنڈاداکار عابد علی ہم سب سے بچھڑ گئے جس نے پورے پاکستان کی عوام کو غم زدہ کر دیا ہے ۔ عابد علی گزشتہ دو ماہ سے زیر علالت کی وجہ سے ہسپتال میں زیر علاج تھے ۔ عابد علی کی انتقال کے کچھ دیر بعد ان کی بیٹی غم سے

نڈھال رحمہ علی نے انسٹا گرام پر ایک ویڈیو شیئر کی جس میں انہوں نے رابعہ نورین پر الزام لگاتے ہوئے کہا ہے کہ میرے والد کی دوسری اہلیہ اور ان سوتیلی والدہ میت کو لے کر ہسپتال سے چلی گئیں ہیں اور ہمیں جنازے میں شریک ہونے سے روک دیا ہے انہوں نے کہا کہ ‘ میں پھوپھو، پھوپھا، میری بہنیں، میری والدہ ہم سب اس وقت اسپتال میں ہیں، ہم نے نہیں دیکھا نہ ہمیں پتا ہے کہ وہ کہاں لے کرگئی ہیں، ہمیں یہ بھی نہیں پتا کے وہ کس جگہ رہتی ہیں۔ ہمارے سارے گھر والوں سمیت میری پھوپھو تک کو جنازے میں شریک نہیں ہونے دیا جارہا جبکہ ہمیں یہ بھی نہیں بتایا گیا کہ جنازہ کب ، کہاں اور کس وقت ہونا ہے ۔ تاہم گزشتہ رات عابد علی کے اہل خانہ کی جانب سے ان کے انتقال کی خبر تصدیق کی گئی اور ان کی مغفرت کے لیے دعا کی درخواست کی۔قبل ازیں شوبز شخصیات نے لیجنڈ اداکار عابد علی کے انتقال پر گہرے رنج غم کا اظہار کرتے ہوئے کہا ہے کہ انکے دنیا سے چلے جانے سے فن کا ایک اور باب بند ہو گیا ، عابد علی نے اپنی لازوال اداکاری اور تخلیقی کام کے ذریعے جو نام اور مقام بنایا شاہد ہی کوئی دوسرا فنکا راس منزل کو حاصل کر سکے ۔سینئر اداکار قوی خان ، مسعود اختر ، محموداسلم ، شبیر جان ، سہیل اصغر ،جاوید شیخ ،بہروز سبزواری ،شان ، سید نور ، ثناء ، نبیل ، معمر رانااور دیگر نے عابد علی کے انتقال پر اپنے تعزیتی پیغات میں کہا کہ پاکستان ایک اور لیجنڈ اداکار سے محروم ہو گیا، فن کی دنیا میں ان کی کمی ہمیشہ محسوس ہوتی رہے گی۔ انہوں نے کہاکہ عابد علی وہ باصلاحیت فنکار تھے جنہوں نے ہر کردار کو انتہائی خوبصورتی سے ادا کیا اور وہ کردار ہمیشہ کیلئے امر ہو گیا ۔شوبز شخصیات نے کہا کہ اداکار عابد علی نے ہر کردار کو حقیقت کے قریب تر ہو کر نبھایا اور ان کا ہر کردار ان کے پرستاروں کے ذہنوں پر نقش ہے ۔

موضوعات:عابد علی