لاہور( این این آئی) اداکارہ مدیحہ شاہ نے کہا ہے کہ وینٹی لیٹر پر پڑی فلم انڈسٹری کی سانسیں بحال ہونا شروع ہو گئی ہیں اور قوی امید ہے کہ آنے والے دو سے تین سالوں میں فلم انڈسٹری دوبارہ اپنی مقام پر واپس آ جائے گی ۔ خصوصی گفتگو کرتے ہوئے اداکارہ نے کہا کہ ایک دور میں لاہور کے اسٹوڈیو زمیں بیک وقت کئی کئی فلموں کی شوٹنگزہو رہی ہوتی تھیں اور فنکاروں کے پاس بھی سر کھجانے کا وقت نہیں ہوتا تھا مگر

پھر ہماری انڈسٹری کو کسی کی نظر لگ گئی او یہ تاریکی میں ڈوب گئی ۔ انہوں نے کہا کہ اب صورتحال بہت بہتر ہو گئی ہے اور خصوصاً کراچی کے فلمسازوں نے اس میں مرکزی کردار ادا کیا ہے او ر وہ فلم انڈسٹری کی سانسیں بحال ہو رہی ہیں ۔فلم انڈسٹری کی بحالی کے لئے میں ہر پلیٹ فارم پر اپنی کاوشیں کروں گی اور قوی امید ہے کہ آنے والے دو سے تین سالوں میں یہ اپنا کھویا ہوا مقام دوبارہ حاصل کر لے گی ۔

موضوعات:مدیحہ شاہ