لاہور(این این آئی) چیئرمین برابری پارٹی پاکستان جواد احمد نے کہا ہے کہ وزیر اعظم پر جائز تنقید کرنا ہر کسی کا حق ہے یہ کوئی فاشسٹ سیاست نہیں ،فریڈم آف سپیچ پر حملہ قبول نہیں ،پی ٹی آئی نے تشدد کی سیاست کو جنم دیا ہے ،عمران خان کی ساری سیاست کا محور صرف
نواز شریف اور شہباز شریف کو ٹارگٹ کرنا تھا جو انھوں نے ہر جگہ کیا۔میڈیا سے گفتگو کرتے ہوئے جواد احمد نے کہاکہ وزیر اعظم پر جائز تنقید کرنا ہر کسی کا حق ہے یہ کوئی فاشسٹ سیاست نہیں ،فریڈم آف سپیچ پر حملہ قبول نہیں۔انہوں نے کہاکہ پی ٹی آئی نے تشدد کی سیاست کو جنم دیا ہے ،عمران خان کی ساری سیاست کا محور صرف نواز شریف اور شہباز شریف کو ٹارگٹ کرنا تھا جو انہوں نے ہر جگہ کیا انہیں اپنے اوپر ہونے والی تنقید برداشت نہیں سیاسست کے خار زار میں ہر ایک کو تنقید برداشت کرنا پڑتی ہے۔انہوں نے کہا کہ اب وقت آگیا ہے کہ وزیر اعظم عمران خان اپنے کارکنوں میں تنقید کو برداشت کرنے کا حوصلہ پیدا کرنے کا درس دیں اور اس کی مذمت کریں۔انہوں نے کہاکہ فیصل آباد میں سوشل میڈیا سیمینار کے دوران پی ٹی آئی کارکنوں کی بدتمیزی اور ہلڑ بازی نے انہیں تقریر مکمل نہیں کرنے دی کیونکہ پی ٹی آئی کارکنوں کو تنقید پسند نہیں حالانکہ وہ ان سمیت ماضی کی حکومتوں پر تنقید کررہے تھے،وزیر اعظم عمران خان اپنے کارکنوں میں تنقید برداشت کرنے کا مادہ پیدا کرنے کااعلان کریں کیونکہ تنقید تو سیاست کا بنیادی رکن ہے۔انہوں نے کہاکہ مجھے یقین ہے کہ ہلڑ بازی کرکے تقریب کا ماحول بدلنے والے یہ تمام لوگ آئندہ برابری پارٹی میں ہی شمولیت اختیار کریں گے تاکہ ملک کو ترقی اور خوشحالی کی طرف لایا جاسکے۔
