ممبئی(این این آئی) سوشل میڈیا اسٹار ملیالم فلم انڈسٹری کی اداکارہ پریا پرکاش واریئر پاکستان کے مشہور گیت ’ہوا ہوا ‘ پر جھوم اْٹھیں۔اپنی پرکشش آنکھوں اور اداؤں سے راتوں رات سوشل میڈیا اسٹار بننے والی ملیالم فلم انڈسٹری کی خوبصورت اداکارہ پریاپرکاش واریئر مداحوں کی توجہ اپنی جانب مرکوز کرنے کا اچھا گن جانتی ہیں اور آئے دن اپنی ویڈیو کی وجہ سے خبروں کی زینت بنی رہتی ہیں۔

پہلے انہوں نے اپنی دلفریب اداؤں پر مبنی ویڈیو نے سوشل میڈیا پر نوجوانوں کو اپنے سحر میں جکڑ لیا تھا اور لیکن اس بار ان کی پاکستانی گیت پر جھومنے کی ویڈیو وائرل ہوگئی ہے۔پاکستانی گیتوں کی وجہ سے بھارتی فلموں کو ادھورا سمجھا جاتا ہے جب کہ پاکستانی گیت فلموں کے علاوہ بھارت کے دیگر تقریبات میں بھی رنگ بھرنے میں اہم کردار ادا کرتے ہیں یہی وجہ ہے کہ پریا پرکاش کی پاکستانی گیت گانے کی ویڈیو سوشل میڈیا پر خاصی پسند کی جارہی ہے۔رپورٹس کے مطابق یوٹیوب پر جاری کردہ ویڈیو میں دیکھا جا سکتا ہے کہ 80 کی دہائی کے نامور گلوکار حسن جہانگیر کے مشہور زمانہ گیت ’ہوا ہوا‘ نے بھی سوشل میڈیا اسٹار پریا پرکاش کو جھومنے پر مجبور کردیا ہے۔حسن جہانگیر کے گیت ’ہوا ہوا‘ کو دنیا بھر میں آج بھی پسند کیا جاتا ہے جب کہ یہ گیت بھارت میں کئی بار ریمکس ورڑن میں بھی فلمایا گیا ہے اور ارجن کپور اور ڈی کروز کی فلم ’مبارکن‘ میں بھی اس گیت کوِ مکا سنگھ کی آواز میں شامل کیا گیا ہے۔

موضوعات:پریا پرکاش