لاہور( این این آئی)وزیر اعلی پنجاب مریم نواز کی جانب سے رحمت کارڈ کا اجرا ء کردیا گیا ہے جس کے تحت مستحقین میں رقوم فراہم کی جائے گی۔

سوشل میڈیا پر جاری پوسٹ کے مطابق رحمت کارڈ کے لیے 50 ہزار خاندانوں کو مالی معاونت فراہم کی جائے گی۔رحمت کارڈ کے ذریعے بیوہ کے لیے ایک لاکھ اور یتیم بچوں کے لیے ایک لاکھ روپے کی ادائیگی بذریعہ جاز کیش کی جائے گی۔رجسٹریشن کے لیے مستحقین سی ایم رحمت کارڈ ایپ ڈائون لوڈ یا پھر ہیلپ لائن 1077 پر رابطہ کرسکتے ہیں۔بیوہ کے شناختی کارڈ پر بیوہ اسٹیٹس درج ہونا چاہیے، تعلق کم آمدنی والے گھرانے سے ہو، کسی بھی قسم کی سرکاری مالی امداد حاصل نہ کررہے ہوں، سرکاری ملازمہ یا پنشنر نہ ہو۔سرپرست کا یتیم بچوں کے ”ب ”فارم کے ساتھ اندراج ضروری ہے، پی ایس ای آر سروے میں اندراج ہو، مستحق کا موبائل نمبر قومی شناختی کارڈ سے رجسٹرڈ ہو۔