اسلام آباد (نیوز ڈیسک)حکومت نے پیٹرول اور ہائی اسپیڈ ڈیزل کی قیمتوں میں اضافے کے بعد لائٹ ڈیزل کی قیمت بھی بڑھا دی ہے۔

نئے اعلامیے کے مطابق لائٹ ڈیزل اب پہلے کے مقابلے میں 17 روپے 3 پیسے فی لیٹر مہنگا ہو گیا ہے۔ہم نیوز کی رپورٹ کے مطابق اوگرا کی جانب سے جاری نوٹیفکیشن میں بتایا گیا ہے کہ اضافے کے بعد لائٹ ڈیزل کی نئی قیمت 287 روپے 54 پیسے فی لیٹر مقرر کر دی گئی ہے۔

دوسری جانب مٹی کے تیل کی قیمت میں کمی کی گئی ہے۔ نوٹیفکیشن کے تحت مٹی کا تیل 4 روپے 45 پیسے فی لیٹر سستا کیا گیا، جس کے بعد اس کی نئی قیمت 360 روپے 76 پیسے فی لیٹر ہو گئی ہے۔

یاد رہے کہ ایک روز قبل حکومت نے پیٹرول اور ہائی اسپیڈ ڈیزل کی قیمتوں میں بھی مزید اضافہ کیا تھا، جس کا باقاعدہ نوٹیفکیشن پیٹرولیم ڈویژن نے جاری کیا تھا۔