اسلام آباد (نیوز ڈیسک)سندھ حکومت نے یکم مئی کے موقع پر عام تعطیل کا اعلان کر دیا ہے۔

جاری کردہ نوٹیفکیشن کے مطابق یومِ مزدور کے سلسلے میں جمعہ، یکم مئی کو صوبے بھر میں سرکاری چھٹی ہوگی۔ اس فیصلے کے نتیجے میں ایسے سرکاری ملازمین جو ہفتے میں پانچ دن کام کرتے ہیں، انہیں جمعہ، ہفتہ اور اتوار ملا کر تین دن کی مسلسل چھٹیاں ملیں گی۔اسی طرح تعلیمی اداروں، یعنی اسکولوں اور کالجوں میں بھی جمعہ سے اتوار تک تین روزہ تعطیلات ہوں گی۔ نجی اداروں میں کام کرنے والے افراد بھی اس سرکاری چھٹی کے باعث طویل ویک اینڈ سے فائدہ اٹھا سکیں گے۔

یاد رہے کہ کابینہ ڈویژن کی جانب سے 2026 کی سرکاری تعطیلات کی فہرست میں پہلے ہی یومِ مزدور کو شامل کیا جا چکا ہے، جس کے باعث مئی کے آغاز میں ملازمین کو آرام کا اضافی موقع میسر آئے گا۔