کراچی(این این آئی)ایک دن میں تاریخی کمی کے بعد عالمی و مقامی منڈیوں میں سونا سنبھل گیا۔آل پاکستان صرافہ جیولرزاینڈ ایسوسی ایشن کے مطابق بدھ کو24 کیرٹ فی تولہ سونے کے دام 3500 روپے بڑھ کر 419862 روپے ہوگئے،اس کے علاوہ 10گرام سونے کی قیمت 3 ہزار روپے کے اضافے سے 359963 روپے ہوگئی ہے

جبکہ فی تولہ چاندی کی قیمت 110 روپے کے اضافے سے 5034 روپے ہوگئی، دوسری جانب عالمی مارکیٹ میں 35 ڈالر بڑھ کر فی اونس سونا 3975 ڈالر کا ہوگیا۔خیال رہے کہ گزشتہ روز مقامی مارکیٹ میں سونے کی قیمت میں 14 ہزار روپے کی بڑی کمی ہوئی تھی۔