لاہور (این این آئی) وفاقی وزیرتوانائی اویس لغاری نے سیلاب متاثرین کے بجلی بلوں میں توسیع اور ریلیف کا اعلان کردیا۔اویس لغاری نے کہا کہ جن علاقوں میں سیلاب آیا ہے وہاں صارفین کوریلیف دیں گے، سیلاب متاثرین کے بجلی کے بلوں میں توسیع بھی دی جائے گی ۔

وفاقی وزیرتوانائی نے کہا کہ پاکستان کے ایک کروڑ 80 لاکھ صارفین 70فیصد ڈسکاونٹ پر بجلی لے رہاہے، لوگ سولرپینل لگاکر خود کو200یونٹ سے نیچے لے کرگئے۔ بجلی کی قیمت سستی ہوئی ہے۔اویس لغاری کا مزید کہنا تھا کہ یہ نیٹ میٹرنگ والے آئی پی پیزبننے جارہے ہیں،نیٹ میٹرنگ کی وجہ سے 4روپے فی یونٹ بوجھ عوام پرپڑے گا۔