لاہور( این این آئی)فیڈرل بورڈ آف ریو نیو کے دفاتر انکم ٹیکس گوشوارے جمع کرنے کیلئے آج ( جمعرات) بھی رات بارہ بجے تک کام کرتے رہیں گے۔ ایف بی آر کی جانب سے انکم ٹیکس گوشوارے جمع کرنے کی غرض سے دفاتر کے اوقات کار بڑھانے کا نوٹیفکیشن جاری کیاگیا تھا
۔ایف بی آر کے دفاتر 29 ستمبر کو رات 9 بجے جبکہ آج تیس ستمبر کی رات 12 بجے تک کام کرتے رہیں گے۔ایف بی آر کے متعلقہ دفاتر کو بینکوںکی متعلقہ برانچز سے بھی رابطے میں رہنے کی ہدایت کی گئی ہے۔ایف بی آر کی جانب سے سال 2021ء کے گوشوارے جمع کرانے کی آخری تاریخ 30 ستمبر مقرر کی گئی ہے۔
